Партнёры і адвакаты Адвакацкага бюро "Церах, Невядоўскі і Партнёры" прадстаўляюць інтарэсы кліентаў у судах Рэспублікі Беларусь, а таксама падчас выкарыстання медыяцыі і іншых альтэрнатыўных метадаў вырашэння спрэчак, да якіх кліенты жадаюць звярнуцца перад сваім зваротам ў дзяржаўны кампетэнтны суд ці вызначаны арбітражнай дамовай камерцыйны арбітраж.
На нашую думку, перавагі юрыдычнай дапамогі, якую прапануе Адвакацкае бюро "Церах, Невядоўскі і Партнёры", выяўляюцца не толькі ў гарантыях выканання адвакацкай таямніцы, але і ў магчымасці быць прадстаўнікамі нашых кліентаў як у эканамічных і арбітражных (трацейскіх) судах Рэспублікі Беларусь, так і ў агульных судах Рэспублікі Беларусь па грамадзянскіх, крымінальных справах і справах па адміністрацыйных правапарушэннях, якія паўстаюць з ажыццяўлення прадпрымальніцкай дзейнасці.
Партнёры і адвакаты Адвакацкага бюро валодаюць досведам прадстаўніцтва беларускіх і замежных кліентаў падчас выканання замежных арбітражных і судовых рашэнняў у Рэспубліцы Беларусь.
У 2015 году Адвакацкае бюро «Церах, Невядоўскі і Партнёры» было рэкамендаванае міжнародным рэйтынгавым выданнем The Legal 500 Europe, Middle East & Africa у якасці надзейнага прававога кансультанта для аказання юрыдычнай дапамогі замежным кліентам падчас вырашэння спрэчак у дзяржаўных і арбітражных (трацейскіх) судах Рэспублікі Беларусь.
Вярнуцца
